جذور إماراتية. رؤية معاصرة.
حكايتنا
أنا حمد الكعبي، شاب إماراتي، ومن زمان كان في بالي أبني مشروع يعبّر عنّي وعن المكان اللي أنتمي له. حبيت أجمع حبّي لتراثنا واهتمامي بالموضة في علامة لها هويتها، وتقدّم قطع نلبسها اليوم ونعتز فيها. ومن هالفكرة بدأت ربدان لاين.
اخترت اسم «ربدان»، اسم خيل الشيخ زايد بن خليفة آل نهيان، المعروف بزايد الأول. شدّني ارتباط الاسم بتاريخ بلادنا، واللي شفته فيه من أصالة وهيبة. وحبيت تكون هالمعاني حاضرة في العلامة، من اسمها والخيل اللي في شعارها، لين تفاصيل قطعها.
ومن البداية، كنت أهتم باللمسة اللي تخلّي القطعة خاصة بصاحبها. اسم ينحفر على عصا، أو رسالة تنكتب من القلب، أو هدية تختارها لشخص غالي عليك. بالنسبة لي، قيمة القطعة تكبر بالمعنى اللي تحمله، وبالذكرى اللي تبقى وياها.
وطموحي إن ربدان لاين توصل للعالم وهي محافظة على روحها الإماراتية. وأتمنى كل شخص يختار قطعة من ربدان يلقى فيها شي يشبهه، وتصير جزء من حكايته.
حمد الكعبي
مؤسس ربدان لاين